ഓണക്കിറ്റ് വിതരണം നടത്തി

ചെങ്ങമനാട്: കേരള സ്റ്റേറ്റ് സർവ്വീസ് പെൻഷണേഴ്സ് യൂണിയൻ കാഞ്ഞൂർ യൂണിറ്റ് ഗ്രാമ പഞ്ചായത്തിലെ നിർദ്ധനരും രോഗികളുമായ 28 പേർക്ക് 14 കൂട്ടം പലവ്യഞ്ജനങ്ങളടങ്ങിയ ഓണക്കിറ്റ് വിതരണം ചെയ്തു. ഓണക്കിറ്റ് വീടുകളിൽ എത്തിച്ച് നൽകുന്നതിന് യൂണിറ്റ് വെെസ് പ്രസിഡൻ്റും പാലിയേറ്റീവ് കെയർ വളണ്ടിയറുമായ രമ ശശിക്ക് കെെമാറിക്കൊണ്ട് ബ്ലോക്ക് പ്രസിഡൻ്റ് കെ.ഐ. പൗലോസ് വിതരണം ഉദ്ഘാടനം ചെയ്തു. യൂണിറ്റ് പ്രസിഡൻ്റ് എം.ജി.രാജഗോപാലിൻ്റെ അദ്ധ്യക്ഷതയിൽ കൂടിയ യോഗത്തിൽ കെ.എം. തോമസ് മാസ്റ്റർ, ടി. ആർ. സലി, എ.എ.ഗോപി, രമ ശശി എന്നിവർ സംസാരിച്ചു.