പൈക വിളക്കുമാടം സ്വദേശിനി മഞ്ജു ദേവിയാണ് അയര്‍ലന്‍ഡ് തെരഞ്ഞെടുപ്പില്‍ അങ്കം കുറിച്ചിട്ടുള്ളത്. നവംബർ 29ന് നടക്കുന്ന തെരഞ്ഞെടുപ്പില്‍ ഭരണകക്ഷിയായ ഫിനഫാള്‍ പാര്‍ട്ടിയുടെ സ്ഥാനാര്‍ഥിയാണ് മഞ്ജു. ഡബ്ലിലെ മേറ്റര്‍ ഹോസ്പിറ്റലില്‍ നഴ്‌സ് ആയ മഞ്ജു ഫിംഗാല്‍ ഈസ്റ്റ് (ഡബ്ലിന്‍) മണ്ഡലത്തില്‍ നിന്നാണ് ജനവിധി തേടുന്നത്. മിനിസ്റ്റര്‍ ഡാറാഗ് ഒ. ബ്രെയാന്‍ ടി.ഡിക്കൊപ്പമാണ് പ്രവര്‍ത്തനം.
ഇന്ത്യൻ കരസേനയില്‍ സുബേദാർ മേജര്‍ ആയിരുന്ന കെ.എം.ബി. ആചാരി-കെ. രാധാമണി ദമ്ബതികളുടെ മകളാണ് മഞ്ജു ദേവി. രാജസ്ഥാനില്‍ നഴ്സിങ് കോഴ്സ് പൂർത്തിയാക്കിയ ശേഷം 2000ലാണ് മഞ്ജു സൗദിയിലെത്തിയത്. നാലുവര്‍ഷം റിയാദില്‍ കിങ് ഫൈസല്‍ ഹോസ്പിറ്റലില്‍ സേവനം ചെയ്തു. 2005ല്‍ ഭർത്താവ് ശ്യാം മോഹനോടൊപ്പം അയർലൻഡിലെത്തിയ മഞ്ജു ഡബ്ലിനിലെ മേറ്റര്‍ ഹോസ്പിറ്റലില്‍ നഴ്‌സായി ചേർന്നു. അയര്‍ലന്‍ഡിലെ പ്രസിദ്ധ ക്രിക്കറ്റ് ക്ലബ്ബായ ഫിന്‍ഗ്ലാസ് ക്രിക്കറ്റ് ക്ലബ്ബിന്‍റെ സ്ഥാപകരിലൊരാളായ ശ്യാം മോഹൻ തിരുവനന്തപുരം പൂജപ്പുര സ്വദേശിയാണ്.
