തിരുവനന്തപുരം: വയനാട് ഉരുള്പൊട്ടല് ദുരന്തത്തിന്റെ പശ്ചാത്തലത്തില് കേരള ബാങ്ക് ചൂരല്മല ശാഖയിലെ വായ്പക്കാരില് മരിച്ചവരുടെയും ഈടു നല്കിയ വീടും വസ്തുവകകളും നഷ്ടപ്പെട്ടവരുടെയും മുഴുവന് വായ്പകളും എഴുതിത്തള്ളി.
ബാങ്ക് ഭരണസമിതി യോഗത്തിലാണ് തീരുമാനം. നേരത്തെ കേരള ബാങ്ക് 50 ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് നല്കിയിരുന്നു. കൂടാതെ, കേരള ബാങ്കിലെ ജീവനക്കാര് സ്വമേധയാ അഞ്ചു ദിവസത്തെ ശമ്ബളവും മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്യുമെന്ന് അറിയിച്ചു.
ജൂലായ് 30-ന് ഉണ്ടായ ദുരന്തത്തില് ഇതുവരെ 229 മൃതദേഹങ്ങളും 198 ശരീര ഭാഗങ്ങളും ഉള്പ്പെടെ 427 മൃതദേഹങ്ങളാണ് കണ്ടെത്തിയത്. ഇനിയും 130 പേരെ കണ്ടെത്താനുണ്ട്. ജില്ലയിലെ ദുരിതാശ്വാസ ക്യാമ്ബുകളിലായി നാലായിരത്തിലധികം പേരാണ് കഴിയുന്നത്.
